瑞士餐廳 (已結業)

老公未去过瑞士，今晚专登同老公食番餐正宗既瑞士芝士火锅，暂时食咗当去咗。餐厅装修好有瑞士嘅餐厅感觉，一入到去就俾𠮶只大乳牛吸引。经典瑞士火锅芝士味香浓，味道正宗唔会腻，小火煲住保持温度，唔会㶶又够滑，附有一碟面包粒，如果有多一、两款用黎蘸芝士更佳。于是我地加了扒鸡肉同西兰花做额外配料，成个火锅好似即是全面了同立体咗，鸡扒系香烤得少少脆，就咁食已经几好味，再配埋一流嘅浓厚芝士，简直冇得顶。已熟既西兰花颜色依然青绿新鲜，蘸上芝士一齐食，芝味香浓，唔错。辣肉肠bbq酱pizza薄批嘅pizza，唔会太大件，一开四，每件d配料都好平均，食落辣肉肠味道几浓郁，BBQ酱惹味，而且批底好脆口，真系有d食薯片既感觉。火焰雪山好大个，店员即时点火，打卡啱晒。烧完之后好吸引，外层满布生果，有红青提子、蓝莓同士多啤梨。用嚟做雪山外层嘅蛋白得好嫩滑，加上浓浓既香酒味，好似食紧酒味cream咁。蛋白内面有朱古力同云呢拿雪糕，最特别佢系用冰冻咗嘅菠萝包住啲雪糕保持雪糕冷冻既状态，所以食到外热内冻嘅感觉做得好特别，雪糕都好好味。而雪山底部系香甜蛋糕，蛋糕吸入香酒味，好湿润。整个火焰雪山，可以话一流。整体上，大家都好