Foodtrip Bedana's Filipino Restaurant (已搬遷) 新店位置

今日突然间想食啲特色野，同朋友讲完。所以朋友就带咗我来佐敦呢一度食菲律宾野。呢次都系我第一次食菲律宾嘢食，首先我哋叫咗个菲律宾炸鸡，炸鸡唔同韩国𠮶种炸鸡咁多炸粉，呢个炸粉系比较薄身，而且脆啲，只系点简单嘅甜酸酱就已经好惹味。另外都叫咗个菲律宾肉酱意粉，原来菲律宾既肉酱意粉系比较甜啲，佢上面配有好多酱汁，一定到捞！里面有肉碎，肠仔同埋好多芝士，所以捞埋非常之惹味。而我好欣赏佢个意粉，煮得够爽，唔会过淋。最后两个人去埋单二百几蚊，如果钟意都可以叫杯啤酒chill下。