澳瑪葡國菜 (已結業)

系香港唔系成日食到葡国菜，有次行行下海港城发现呢间奥玛葡国菜，于是就book左一日坐望维港景嘅台食晚饭。成间店铺环境都好舒服，仲有所有啲碗碟都系有葡国特色，用番蓝白色嘅格调。咁我同太太就叫左一个汤一个主菜同个小食。马介休球　系澳门基本次次都会叫嘅菜色，呢度整得相当出色，好香嘅薯仔味，入面嘅马介休大大旧得黎又唔系好咸。葡式薯蓉青菜汤，一样好香薯仔味，入面仲有好多片葡式腊肠，不会逊色过澳门餐厅。霹雳鸡翼，最有惊喜同值得试嘅菜色，上面嘅黄色酱汁，甜甜酸酸，好开胃，鸡翼本身有好浓嘅炭烧香味，外脆内嫩，再讲多次系好好味！仲叫左个主菜海鲜饭，不过挂住食唔记得影~以后唔洗去澳门都可以系奥玛葡国餐厅叹到正宗葡国菜。