亞谷特蘭州牛肉麵

营业中

休息中

辣野可以暖身，今日天气都好冻，我同朋友去左天后亚谷特兰州牛肉面食正宗既兰州拉面。餐厅环境几干净，楼底高，座位唔会话好迫。- 秘制牛肉牛展切得几厚身，加入兰州辣椒酱令味道提升左一个层次。- 羊肉串自从封关之后一直食唔到地道既羊肉串，不过餐厅既羊肉串有九成似，咬落好多汁完全唔膻。调味适中，唔系太辣。- 凉拌青瓜青瓜爽口，份量都多，不过略嫌唔够酱汁。- 红烧牛腩面汤清系兰州红烧牛腩面必备元素，加上辣子油香令汤面变成太极既图案。牛腩入口软稔，配料仲有萝卜同卤水蛋。面条方面有六款，包括韭菜、寛面、荞麦棱、毛细、细面同二细，主要分别在于宽度，我拣咗二细，挂汤能力唔错。- 大盘鸡饭入面有薯仔洋葱焖鸡腿肉，味道丰富，加上小量辣椒提味，惹味可口送饭一流。份量岩岩好食完充满有饱肚感。我哋叫咗冻柠茶同柠檬利宾纳，价钱系$12，几大杯。我哋叫咗咁多食物，但价钱都唔过$300，真系抵食👍🏻