玖拾烘焙 (已結業)

贝果几乎系每间cafe必备嘅产品，我甚至见过有代购由台湾运啲包过嚟，可想而知贝果喺香港系几受欢迎👏🏻但我自己比较钟意美国𠮶款，超级烟韧甚至有啲人话系硬嘅口感，而喺香港出产嘅贝果好多都调整过😗不过见呢间烘焙店系由东京蓝带毕业嘅厨师主理，水准应该有保证，所以决定比个机会佢😆一入去就见到成个木架摆满10几款贝果，真系令人非常兴奋🤓喺网上见啲人话朱古力嘅都唔错，所以拣咗朱古力草莓乳酪口味($29)🥯摸上手已经感觉到佢表皮嘅韧度，而且非常重手，证明”用水灼”嘅过程做得唔错，咬落去亦都不负所望，系美国贝果先有嘅咬口🤩除咗面团系朱古力味，内馅都有朱古力，而且系微甘，作为一个钟意食90%朱古力嘅人，呢款贝果真系好啱我口味🥰另外仲包咗士多啤梨酱同忌廉芝士，丰富得嚟味道好夹，我绝对会返兜😋另外见到有个叫埃及奶油嘅面包($13)，睇落有啲似意大利香草包，但食落就系压扁咗嘅猪仔包，再散咗啲砂糖喺面🤣好味系好味，不过以创意同独特性嚟讲，我会宁愿买多几个贝果😝