月橋正宗越南湯粉

营业中

休息中

对上一次去越南旅行已经系2019年嘅事。今日心血来潮想食返碗越南粉面，怀缅一下系越南旅游欢乐嘅时光。 太子附近虽然有好多餐厅，但原来越南餐厅五只手指数得晒。咁就近近地试下呢间位于太子旧区入面嘅月桥。 餐厅唔算好大，得六张四人台，不过午饭时间都唔算好多人。店舖系用QR code落单，而所有汤面，捞檬，饭都可以加配野饮。 牛腩牛展汤河 ($58) 成碗粉都铺满左牛腩同牛展，𩠌嘅份量出乎意料地多。牛腩唔怕鞋口，牛展就非常出色，煮到好淋，有入口即溶感觉。而河粉底估唔到系用上越南河，好滑身。配上越南芽菜，成碗粉都好好食。 冻柠茶 (跟餐加$6) 冻柠茶就正常发挥，不过不失。 食物质素OK，份量都好大，下次午餐或下午茶可以再来。如果餐饮可以有热奶茶选择同埋冻奶茶可以择甜度就更好。