越港正宗越南湯粉 (已結業)

放假同屋企人行下湾仔，夏昼又热又焗想食啲开胃嘢，见到有间越南菜新开，就决定试下啦。小店位于湾仔Hotel Indigo/囍帖街附近，旺中带静，冇特别装修，但够干净光猛。坐低睇下menu，有汤河，饭，捞檬，连少见啲嘅滨海都有，一行四人决定样样都叫啲。主食叫咗生牛肉汤河，鲜虾蕃茄檬，鸡串捞檬和猪颈肉滨海，加埋小食烧蔗虾，米纸卷，同牙车快。最欣赏生鲜虾蕃茄檬，我重加追加咗越式牛丸。蕃茄汤鲜甜，够开胃，好多配料，连我咁大食都够饱。爸爸叫嘅生牛肉汤底清甜，有牛味，饮完都冇口干就知冇加味精啦。小食我最like 蔗虾，啖啖肉得嚟又唔油腻。牙车快都唔错，啲菜够新鲜。叫到成枱都系食物，加埋即开椰青，最后老板送上小甜点，假日午餐大满足！小店真材实料够诚意，价钱亲民，一定会再帮衬。