川館 (大王東街)

营业中

休息中

放工同同事去东大街影圣诞装饰，踏入12月终于冻返啲，想食啲辣辣地嘅嘢暖下胃，近排我爱上咗食酸菜鱼，之前喺屋企楼下食咗几间茶餐厅嘅酸菜鱼，都觉得味道麻麻，同事介绍我嚟呢间，虽然系小店但人流不断，正宗川菜价钱合理，一于试吓。一开始当然要点我最爱嘅酸菜鱼啦，好大锅，一上枱已经闻到好香，啲鱼好滑，份量够晒2人食，酸酸辣辣非常开胃，锅入面有大量配菜同埋冬粉，个汤实在太好味我哋做嗌咗个白饭，用黎汤捞饭，味道非常正宗，啱晒我呢啲重口味人士，简直回味无穷，超正！葱爆牛肉用嚟送饭又系正，牛肉好鲜嫩，而且份量好多，一碟劲多旧牛肉都系几十蚊，抵。蚂蚁上树即系炒粉丝，炒粉丝好难炒得好干身，呢间嘅蚂蚁上树食入口唔会好油，而且好干身好够味，辣辣地真系食得好过瘾。炒椰菜花我只系叫咗小辣，但配埋咸肉一齐食，味道浓郁又唔会太辣，食中菜点都食啲菜成餐饭都好似健康啲咁，间中食吓辣饮下啤酒，开心迎接终于都开始冻嘅12月。