太二老壇子酸菜魚

营业中

休息中

今日朋友话想食酸菜鱼，佢就拣咗呢间餐厅食，我哋18:30嚟到，唔驶等位，里面环境宽敞舒适，灯光暗暗，好有情调，呢到系用QR code落单，食物种类唔算多，我哋点咗招牌鲈鱼酸菜鱼2-3人餐 $298 可以拣两份配菜，我哋拣咗红薯粉同莴笋片。招牌鲈鱼酸菜鱼：大大片嘅无骨鲈鱼，鲜甜嫩滑。红薯粉：烟烟韧韧莴笋片：清脆爽口配埋佢个酸辣汤底：酸辣度适中，酸酸辣辣特别惹味！点完嘢食，我哋就出咗去冲杯陈皮洛神花茶饮，甜甜酸酸好开胃 （免费冲饮）之后就返埋位坐，我哋就玩佢个抽签筒，我哋抽咗支吉签，睇到个签文写得咁好，我哋食嘢个心情都特别好！