影片
更多
2023-05-23
1085 浏览
方叔叔重庆老火锅至今已扩展至全港8间分店，主打正宗重庆火锅，对于嗜辣人士嚟讲，真系爱不释手。我一再光顾呢间火锅店，原因系火锅汤底按人头计算，比出面一般火锅店一锅锅收费更划算，定期推出限定特色汤底和新鲜食材，亦可半份点餐，完全符合食量不大，又喜欢试多几款食物嘅我！另外， 方叔叔出名服务好，送糖水、上菜快、设即弃围裙、口罩袋等等。帮衬当日，分别见到内地人、泰国人、北欧人帮衬，原来外国人都咁钟意重庆火锅！✔️鸳鸯麻辣锅$38/位(养生花胶鸡锅另加$20/位）呢度嘅麻辣火锅又辣又香，除咗好多好大只嘅红色指天椒，仲加咗唔少胡椒、大葱，对于我来讲普通辣啱啱好！另外拣返养生嘅花胶鸡锅，入边有鸡件、花胶、虫草、杞子等，打边炉之前饮返两碗汤，个身暖暖哋好舒服！✔️美国Prime牛小排（半份) $138每次嚟都要叫牛小排，油脂丰富，食落鲜嫩，筋膜又少，成块入口啖啖肉。✔️鲜活海蛏（半份）$454至8月季节限定食材，虽然唔系平时见开大大只嘅蛏子，但系都肥美爽口！✔️手打鱼籽虾滑（半份）$58手打虾滑特别弹牙，又重虾味，每次嚟都会点！✔️手打四宝丸（半份) $58呢个四宝丸有齐晒牛肉、猪肉、虾肉、墨鱼丸，同样都系特别爽
✔️鸳鸯麻辣锅$38/位(养生花胶鸡锅另加$20/位）呢度嘅麻辣火锅又辣又香，除咗好多好大只嘅红色指天椒，仲加咗唔少胡椒、大葱，对于我来讲普通辣啱啱好！另外拣返养生嘅花胶鸡锅，入边有鸡件、花胶、虫草、杞子等，打边炉之前饮返两碗汤，个身暖暖哋好舒服！
✔️美国Prime牛小排（半份) $138
每次嚟都要叫牛小排，油脂丰富，食落鲜嫩，筋膜又少，成块入口啖啖肉。
✔️鲜活海蛏（半份）$45
4至8月季节限定食材，虽然唔系平时见开大大只嘅蛏子，但系都肥美爽口！
✔️手打鱼籽虾滑（半份）$58
手打虾滑特别弹牙，又重虾味，每次嚟都会点！
✔️手打四宝丸（半份) $58
呢个四宝丸有齐晒牛肉、猪肉、虾肉、墨鱼丸，同样都系特别爽口弹牙！
✔️千丝柏叶（半份）$38
洗得好干净，又爽脆！
✔️长城小白猪午餐肉（半份）$28
切得几厚身，食到有咸香味！
✔️包浆豆腐（半份）$28
呢只豆腐几结实，渌完唔会散修修！
✔️鲜竹笙（半份）$38
无论打边炉或者食汤面嘅时候，叫竹笙都唔会有错，有口感，又索晒啲汤汁精华！
✔️唐生菜（一份) $28
菜叶几青绿，都几新鲜！
✔️功夫莴笋片(半份)$28
卖相整到成朵花咁靓，色泽好靓，好新鲜！
✔️红糖糍粑(一份）$68
可以话系我最近食过最好食嘅红糖糍粑，口感非常绵糯烟靭，半份唔够食，要点一份！
✔️罐装无糖可乐$18
打边炉同有汽可乐系绝配！
**设加一服务费
张贴
