HANA Korean Restaurant

营业中

休息中

今日同朋友行开尖沙咀，5点几想食个early dinner又想食韩国野，就去金巴利道揾下有咩食。平时见大家都话要book定或者早d去排，咁难得唔洗排队，就即刻入去试下。佢个釜山粥真系同系釜山食既有80-90%相似，一拎埋黎就闻到劲香嘅麻油味，然后都好足料，虾肉亦都系新鲜既唔系啤水个种，稠杰度亦都好适中，加埋辣鱿鱼萝卜丝小菜，真系开胃又好食。虽然$128，但其实两个女仔食都够食，唔算贵。个饺子即叫即煎，够热够香脆。咁馅当然有传统韩国饺子一定有嘅粉丝啦。香港有时不论去餐厅定系超市买嘅韩式饺子都会出现胡椒粉味好重，食唔到食材嘅味，不过呢间完全冇呢个情况。而且佢嘅酱汁，咸度啱啱好，唔会死咸，但又够香，好好食。下次会再嚟食，想试下乌冬。