崟

营业中

休息中

都唔知几耐冇同过老公去撑枱脚，都想静静地，又想食好啲，老公提议不如去食铁板烧，因为我同佢都好钟意食铁板烧！今次嚟到元朗锦田食呢间超正宗日本铁板烧，我哋叫咗个二人餐，虽然价钱平，但质素好高，我哋叫咗个龙虾加鹅肝做主菜。只龙虾新鲜到一个点，即㓥即烧，就算乜调味料都唔加，只加几粒盐同蒜片已好好食。轮到我最爱嘅鹅肝，夹埋块白方包就无咁腻。然后就到个炒饭，六粒金黄色的饭，完全唔会黐埋一齐，而且入边仲好足料，有好多樱花虾♥️🦐！食完饭就饮汤，个鱼汤奶白色，好香而味浓，一饮已经知道好足料，一定放咗好多嘢落去煲先至有呢个效果! 最后想赞一赞佢个甜品，我叫咗个绿茶雪糕，个绿茶雪糕简直就系超级有绿茶香味，而且又有少少奶味，食完仲想再食啊⋯⋯虽然呢间铁板烧喺元朗，好似好远咁样，但系想食好嘢，远少少又有乜所谓㖞！