更多
2016-01-21
711 浏览
Lunch time经过先发现原来铜锣湾开咗黄枝记,咁啱想快食lunch然后去买嘢,真系啱晒!一个人食,简简单单一碗云吞面、两件萝卜糕,加多杯野饮就搞掂!云吞面系黄枝记嘅镇店之宝,睇番张垫枱纸嘅介绍先知道原来黄枝记嘅发源地原来系广州,第一间店源自40年代,历史悠久。后来佢搬咗去澳门嘅十月初五街,唔怪得之我成日觉得佢系澳门餐厅!云吞面($38)用的面是正宗竹升面,食落真系同普通全蛋面的口感有分别。竹升面真系可以用爽滑来形容,唔知普通面食食吓会淋晒。云吞用鲜虾做,入面包左起码两只虾,唔觉沟咗猪肉。云吞皮薄馅靓,个皮好滑但馅料咬落又爽又弹牙!汤系虾子清汤,好鲜,无碱水味。不过饮完都系会有啲囗渴,唔可以饮太多。个人认为呢个云吞面比池记好食。正宗云吞面系比较细碗嘅,所以叫多个瑶柱萝卜糕($26)。以为会得几条瑶柱,点知成个萝卜榚上面都铺满晒呢!瑶柱炸到好脆,配上淋淋地的萝卜榚啱啱好。跟榚有碟海鲜酱,我试左少少觉得劲咸,都系点辣椒酱好味啲。野饮店员推荐自家制冰茶($32),其实系橙汁(有d似果汁先生)沟茶同冰。都几refreshing嘅,特别系食完海鲜酱之后要怒饮…哈哈!不过我口味较淡,觉得有d甜
到好脆,配上淋淋地的萝卜榚啱啱好。跟榚有碟海鲜酱,我试左少少觉得劲咸,都系点辣椒酱好味啲。
张贴