新世界韓式食品

营业中

休息中

lunch谂唔到食乜，所以同同事去咗韩国街买嘢返公司食😋甜辣无骨炸鸡个炸鸡系即炸㗎，拎到返公司都仲热辣辣！超好味呀！酱汁酸酸甜甜、小小辣，配埋啖啖肉嘅鸡真系一流！韩方猪手店员劲推介呢个猪手，话韩国人𠮶个家家户户都好钟意食，所以我哋买咗嚟试吓。呢个猪手系冻食既，有啲似我哋嘅汾蹄，唔同嘅事佢跟咗个甜甜地既酱汁，不过我同同事都觉得个酱麻麻哋，所以就咁食就算。韩国炒粉丝呢个粉丝真系不得了呀，好正宗！一开盖已经闻到好香嘅麻油味，食落口味道好浓，好食到停唔到口！韩式饭卷（牛肉）呢个饭点都超好食，米软硬度适中，有淡淡既麻油香味，牛肉加上青瓜、酸萝卜呢啲配料，真系非常之咁夹！炒年糕我同事劲钟意食炒年糕，不过本人就麻麻哋啦！我食咗两旧年糕，佢个汁都住得几好，但因为我唔系太食得辣，食咗两旧已经觉得好辣🤣之后全部都畀晒我同事食。