食道樂 (嘉華大廈) (已結業)

小店由韩国人主理，全部店员都要用英文沟通~感觉特别正宗！餐厅唔大，格局温馨，设计好似课室咁样，有晒书包🎒学校木枱、黑板等等装饰设计。食物就主要提供韩式饭卷、汤、各种便当等等韩式料理。仲有午餐set Menu提供。附送四款韩式拌菜有泡菜、薯仔火腿丝，豆皮同埋腌菜，全部都系自家制作，非常地道～辣海鲜豆腐汤$88呢个汤好足料，入面有各款海鲜、洋葱、翠玉瓜等等配料，豆腐非常嫩滑，辣辣地好惹味，送白饭一流！辣猪肉饭卷$65呢度嘅紫菜包饭绝对系必食之选❤️ 入面有腌萝卜、红萝卜丝、鸡蛋、腐皮同埋辣猪肉，表面仲有麻油同埋芝麻，辣猪肉微辣又香口。份量都好充足～