海陸空

营业中

休息中

知道闺密最近工作压力大，带她去食下嘢倾下计放松下，我哋去咗尖沙咀- 海陆空食韩国嘢。呢度系正宗韩国人主理，门面系咪韩印红卖好多韩国产品，海陆空呢边就系餐厅。老板跟店员都非常热情款待，一坐低就好耐心介绍比我地有咩推介，我哋好多野都想食所以叫咗几様来Share。仲会送上几款韩式前菜小食。🧡药膳酱油蟹🧡好挂住韩国嘅酱油蟹呀，所以叫左一只来食，附送一个紫菜煎蛋饭。真系好正☺️食落好鲜甜又多肉多膏，捞埋个紫菜饭食一流。🧡韩式海鲜辣面🧡劲钟意佢地面嘅质地，就算摆耐左时间索左啲汤都唔会变到好淋，海鲜材料也很多，有蟹、鱿鱼、虾、青口等，个辣度有少少似辛辣面𠮶种辣，越食越惹味。🧡韩式炸酱面🧡一直好想试正宗嘅韩式炸酱面，见到呢度有即刻叫😄 个炸酱甜甜地、有蔬菜洋葱猪肉等材料，拌匀佢之后食，个面质好烟韧，好食！🧡韩式糖醋肉🧡肉的外边炸到好酥脆里面猪肉完全冇骨厚切啖啖肉，酱汁好特别酸酸甜甜，个汁好夹令到食落去唔会好腻。