Sodam Chicken (已結業)

等位区域有提供凳比客人坐，几贴心。同男朋友去当然就叫个二人套餐啦。套餐选择都几多，有冷面又有薯条，仲有沙律啱我地呢d长期话减肥既女仔。重点当然系炸鸡啦！套餐可以叫一份双拼炸鸡，我地就叫左原味同辣味。因为之前系韩国食过炸鸡，所以一路想心思思系香港稳间味道一样既炸鸡，终于被我揾到啦。外脆内嫩，超好味，分量好足，两个人根本食唔晒。我觉得呢个应该系四人既分量。呢个芝士薯条都系重点推荐，超好味。shake shake薯条爱好者必试，芝士粉好似唔洗钱咁落左超多...呢个凯撒沙律就正正常常，胜在份量够足！呢个泡菜蟹柳猪肉乌冬系我地另外再加既，都好好味，我觉得厨房师傅应该系韩国人，全部味道都十分正宗。餐饮方面我地叫左橙味烧酒同啤酒，分别+25同+10，杯橙味烧酒我一个人饮唔晒，咁有良心既餐厅好难得。