Outdark (飛達商業中心)

营业中

休息中

雙拼炸雞（全份）$208 雙拼款嘅炸雞可以揀原味、醬油、甜辣、香蒜蜜糖同埋辛辣。怕骨嘅朋友仔可以放心咁叫，佢嘅雞全部都係冇骨架！大大啖咁食都唔怕麻煩。甜辣味其實唔係太辣，連埋薯條同薯格一齊食唔會覺得辣。香蒜蜜糖味炸衣上面痴住啲炸蒜，食嘅時候更加有口感同風味。海鮮蔥煎餅$138 大大份，煎得香脆可口。材料方面有蝦、魷魚、菇，同啲野菜一齊食又有鮮味，又有炸物嘅惹味。炸醬麵$118 麵款用左韓國冬粉，qq 彈彈，唔會啲麵條痴住一舊咁。麵入面有豬肉碎&蔬菜粒，正宗嘅韓國炸醬麵有獨特嘅黑豆醬味！海鮮炒年糕$328 +$25芝士大推薦要加芝士！啲芝士會放係個鍋面，一到加熱一到融。啲炸魷魚條加熱左，同埋個韓式辣醬底（唔辣架！）點落去個拉線嘅芝士入面好正！！！ 拉線嘅芝士太邪惡啦，令人耐唔住一啖又一啖。圍住個鍋嘅有芝士粟特、紫菜飯、煎炒泡菜、腸仔。食完之後好滿足～ 個肚暖烘烘。