梨滿園韓國料理 (已結業)

未开始食主菜之前，呢度贯彻韩国一贯传统，会有唔同款式嘅小食先奉上。如果人比较多嘅话，款式就会比较多啲嘅，如果食完再想再加嘅时候可以向店员要求就可以㗎啦。我特别钟意食呢度嘅泡菜，有传统嘅韩国风味之外，仲会太辣，酸酸地，啱啱好。第一件事我就叫咗最钟意食嘅酱油蟹，除咗有我最钟意食嘅豉油味之外，仲会有辣酱嘅味道。咁我当然系食豉油味，佢嘅味道啱啱好，唔会太咸。我最钟意食嘅蟹盖，好多蟹膏加埋啲豉油汁就算唔捞饭食，都好好食。之后就叫左呢一个雪浓汤，煲出来汤嘅颜色全部系白雪雪，物如其名。以佢嘅味道就充满牛骨嘅香，仲会有少少嘅奶香。入边仲会有一旧旧炆到好淋嘅牛展，够晒咬口。重点推介系呢一个红炆牛肋骨，每一次我都好钟意食呢个牛肋骨，佢嘅味道浓郁之余仲会有种甜甜嘅味道，而且用咗红枣炆，感觉非常之滋润。仲有一样必提嘅就系佢呢度嘅服务，服务员系会将一嚿嚿嘅牛肋骨剪开d肉，方便d食，好sweet。食到个肚都非常饱嘅时候最好就系食甜品，但系又觉得食甜品好肥，最好就食返啲生果，特别系拒今日送上嘅橙，唔单止可以解滞仲会健康啲添。