水源韓國料理 (已結業)

餐厅厨房同埋负责人都系韩国人，已经好期待食正宗嘅韩国嘢食。餐厅墙上边写满左韩文，虽然唔知写啲乜嘢但系好有特色。有杯麦茶，食饭嘅时候剔除少少油腻感，清一清口腔。韩式小菜韩式小菜有，酱油薯仔、凉拌芽菜、辣酱腌青瓜同捚泡菜。咁多个之中最钟意食酱油薯仔。本身就咁食薯仔会好滞，但系佢甜甜地好容易入口，有啲似食一种小食咁。泡菜炒饭$78炒饭入边有泡菜，鸡肉粒，同埋洋葱粒。个饭好有份量，好似足足有满满两碗饭嘅饭量系到。辣度适中，好惹味。炒饭上边有埋太阳蛋，留心嘅蛋黄同埋啲饭一齐食真系超正！蜂蜜酱汁炸鸡$75（半只）呢一个炸鸡好好味，佢个皮完全唔油腻，食落去好脆。而且个皮沾满晒酱汁，甜甜地咸咸地好开胃。炸鸡嘅时间都掌握得好好，里面仲系好Juice，啲汁仲有喺晒里面。食落去唔会好柴同埋好干。