喜來稀肉 (已結業)

最近爱上左食韩国菜，不过就唔知边到好食，所以今次就跟朋友来呢家，原来系好出名的食店。在旺角的市区地段，一家好大又有空间感的餐厅~呢到既环境装修好RAW，入到来有D好像去左另一个国家的感觉呢....店员之间系讲韩文的，餐牌上都有中、英、韩三种语言，真系好有旅行FEEL呢~!除了烤肉之外，呢到都有其他常见的韩式菜式，选择好多。一开始，泡菜是必不可少的喔，都有4-5款的泡菜，正~!烤肉先来一碟猪护心肉，呢个真系好特别的地方，因为系猪既横隔膜之间的一D肉，食入口好林，而且好鲜甜呢~一D都唔会痴牙架~~超正. $158, 200G牛肉方面我地真选左招牌既喜来稀肉，系好薄的牛肉，配上店家的秘制汁料，$138有180G. 牛肉真系切得好薄，一放入锅就差唔多熟，好像打边炉咁拖一拖就食得了。因为好薄，一入口就香气满溢，汁味道带甜，好好食呢。熟食方面我地叫左最爱既石锅拌饭$85，热辣辣的石锅传来饭焦味，拌上韩式酱料成为左美味的主食。另一个系我最爱的海鲜葱饼$90，好多葱呢，所以真系好香。海鲜有鱼尤鱼，也有虾，好好食因为饼或好脆呀。整体真系食得非常满足~而且好好味~食物质素真系高。