炑八韓烤 (偉華中心)

营业中

休息中

定期就会食吓呢度，因为唔系每间餐厅都keep到水准，嘢食同服务对我嚟讲都好重要，今日shopping完就去食个早饭😃今次我哋叫咗几个主打嘅菜式：-炑八厚切五花腩：份量好足，虽然系唔花篮，但系唔会太过肥腻，慢慢煎好咗之后再展开一嚿嚿，煎到脆卜卜，夹埋生菜，好过瘾。-葱蒜牛五花：呢个有啲惊喜，之前未食过，服务员推介咗我哋就试吓，腌得好入味，同埋啲牛好腍。-大八爪鱼：呢个好抵食，原只八爪鱼上，烧到咁上下再展开一嚿嚿，同埋腌嘅韩式汁都好配合。-韩式红虾：大大只嘅虾，好新鲜。-泡菜煎饼：每次都必点，一碟里面都好多旧，十分之抵食。-韩国水冷面：最钟意佢入边有啲酸菜，另外再有碟黄色芥辣可以点嚟食，面质烟靭弹牙。-2杯梳打：今次我哋叫咗菠萝梳打同埋柚子梳打，清新配搭。