辣宴

营业中

休息中

今日去咗旺角食川菜 呢间餐厅门面非常有中国气息 我哋叫咗呢样嘢食腊味石锅饭 炒得好香 油水足 面头有炸香左既蛋 而且都几多腊味 石锅够热 所以食完中间饭心啲饭 侧边仲有啲饭焦脆卜卜可以食 好香口农家大盘有机花菜 同样好有镬气 喺屋企炒唔到嘅味道 除咗有花菜 仲有五花腩肉重庆水煮鱼 呢个可以拣小份同大份 我哋见隔离枱嘅大份非常有睇头 因为真系超大个盘 不过我哋得两个人 所以就只叫咗细份试试 餐牌写呢度用嘅系活鲈鱼 鱼肉已经起咗骨非常嫩滑啖啖肉 个汤底里面仲有q弹嘅薯粉 爽口嘅大豆芽 吸味嘅豆皮 所以有好多唔同层次嘅口感夏日炎炎嗌咗杯大嘅柚子冰 份量真系十足 我哋不停加茶饮 饮极都未饮完另外呢度宵夜时段一开台就免费送卤水拼盘 更加抵食