Mee...lemongrass (已結業)

今晚行铜锣湾，发现皇室堡改头换面之后，原来地库有间以马来喇沙和海南鸡饭做主打的食肆。当时未够六点半，见时间尚早又不用等位，入去坐低叫野食，餐厅装修格局似food court，枱与枱的距离都算可以，只系食饭时间最好订座，因为七点后，已经有人等位。点咗无骨海南鸡饭($74)同Mee喇沙($84)，饮品要了鲜芒果冰($38)及士多啤梨冰($38)，甜品要了香芒椰汁糯米饭$42。无骨海南鸡饭($74)，鸡肉好滑好嫩，鸡皮好金黄，而且有点爽，油饭比较干身，另外有两种酱汁来点鸡，一种黑酱油，味道有点酸甜，另一由蒜蓉、辣椒、面豉、青柠制成，味道酸、辣、香，仲有碟清菜和一碗冬瓜汤，碗汤都几清甜，成个套餐以铜锣湾区都算好低食👍👍👍Mee喇沙($84)，内有大虾(2只)、蚬(2只)、蟹柳(2条)、豆卜(2块)、鱿鱼(2件)、鸡蛋(半只)，两只虾都好新鲜，而且味道鲜甜，汤底味道系正宗马来西亚喇沙味，仲带点辣及椰香味，而面底采用掺掺做法，即系米粉捞油面，我喜欢呢个喇沙的味道，所以成碗食晒，都几饱。士多啤梨冰，好大杯，味道都几士多啤梨味，饮落好冰冻，如果夏天饮仲正。鲜芒果冰，都系咁大杯，不过芒果味道好淡，相比士