蘇媽.蘇媽馬來西亞茶餐室

营业中

休息中

苏妈有几间分店，今次路经荃湾，就食荃湾分店。苏妈的装修好有马来西亚风格，由门面到内部装饰，尤其系佢马拉特色既木门，令人感觉置身在马拉一样。苏妈嘅食物好多选择，例如肉骨茶，叻沙，辣死你妈，捞面，好多马拉小食，仲有甜品同马拉特色饮品，样样都好想食。最后我地拣左老鼠粉，牛筋腩辣死你妈，烧鸡翼同冻拉茶。老鼠粉整个砂煲上，热辣辣，一打开个盖，D香气涌出黎，快快手影张相，就要即刻搅均，如果唔系就痴晒底。老鼠粉有窝蛋，猪肉碎，虾米，鱼仔，葱蒜。再加D黑豉油，炒一炒，好惹味。辣死你妈好靓，绿色既班兰饭好吸睛，牛筋腩好冧，配埋花生，鱼仔，参巴酱，好有马拉特色。蜜糖鸡翼烧得刚刚好，唔会好㶶，但个皮就好脆，里面既肉就好juicy，好嫩滑. 鸡翼好入味，外面甜甜的，好好食。拉茶好有南洋特色，一定要用炼奶冲先够香，个拉茶真的好滑。