味真

营业中

休息中

今日行过置富第一城，见到间几吸引嘅韩烧店，于是入去试下！招呼我地嘅店主系韩国人，相信应该几正宗。夜晚时段可以拣食韩式dinner set或者烧肉，烧肉都有好多唔同类别嘅肉可以拣。Order完之后，就上左一大堆好夸张嘅韩式小菜同酱汁，劲豪华！小菜有泡菜、腌萝卜、腌青椒、黑豆、莲藕，仲有沙律同小菜。酱汁就有鱼露、芝士、盐、甜豉油、蛋黄酱、大酱，可以任意配搭。肉就拣左牛肋肉、猪三层肉同伊比利猪肩肉。肉嘅色泽相当粉嫩，睇落好新鲜！牛助肉充满牛味，肉质都好爽口，完全唔韧。猪三层肉充满油脂香，但系唔会觉得油腻，烧到D油逼晒出嚟。而伊比利猪肩肉都好高质，充满猪味，而且肉质瘦得嚟够嫩滑，大推！另外再叫左泡菜猪肉锅，辣辣地够开胃！而韩式鸡蛋羹有D似水蛋，入面有D葱，充满蛋香，都几唔错。店入面都有好多几特别嘅韩式饮品，试左西瓜梳打同埋甜米露，都几解渴！整体觉得水准唔错，尤其是肉同小菜都好优质，值得去试下。