Chop Chop 食神叉燒 (新城市廣場) (已結業)

今日收工过新城市广场，食Chop Chop食神叉烧嘅黯然销魂饭。个个都系叉烧饭，点解会话系正宗黯然销魂饭？一切皆因戴龙师傅系电影食神入面果碗黯然销魂饭嘅创造人。正宗黯然销魂饭材料简单，讲白啲都系叉烧、荷包蛋和米饭。但要好食一啲都唔容易。叉烧选用咗五花腩肉，肥瘦相间，满口油香而唔腻。叉烧微微焦香，入口松化，淡淡嘅甜味过后，香醇玫瑰露酒由脷底渗返出嚟。非常好味。再点埋秘制叉烧酱，更加系另一个层次嘅味道。除咗叉烧，饭都好特别，我就唔识分米嘅品种、但感觉有阵木头同茶叶香味。除咗黯然销魂饭，仲点咗招牌干炒牛河、同埋鲜茄牛肉。招牌干炒牛河面头铺满木鱼，真系第一次见。而餐厅用咗较少见嘅粗身河粉，非常有口感。牛肉亦都好滑，整个干炒牛河都好够获气。至于鲜茄牛肉，都好好食。牛肉什至比招牌干炒牛河嫩滑，蛋滑之余好香蛋味。依道菜𩠌白饭一流。