正 麻辣·茶·雲吞 (已結業)

友人无辣不欢，有时会概叹香港好少正宗/够辣嘅平民川菜，但依然钟意继续尝试，希望发掘到到辣味寄托。早前搜寻到呢间正•麻辣•云吞，就趁今日咁冻，一于食辣庆暖个人。凉伴云耳云耳都ok大朵，爽口，调有少许醋够开胃，BB辣度，清新而不失酱料味，系食主（辣）菜前嘅热身！煎芝心云吞我好期待架XD 外皮超脆又唔厚，唔好以为睇相内里空空，芝士味都够的，有椰菜猪肉，馅料多汁清脆，唔知系洋葱定椰菜呢？整体很正点！手撕鸡担担面汤底够麻！好惊讶系，同我系重庆食过嘅担担面系一样味！好怀念！好奇同店主打听，佢调整过口味，就返附近居民食辣嘅程度，但又不失重庆风味，算系十分正宗~~佢另外有辣菜脯提供，听店主讲系自家新鲜炒架，友人喜欢辣一点，就加左几羹，好满足到佢呢~下一款：重口味捞云吞加幼面，再加溏心蛋云吞胀卜卜好足料，重口味似乎比担担面更辣，友人食到兴高采烈，而就我有啲超出负荷，哈哈，友人大赞终于有够料嘅辣野！可惜眼阔肚窄，只能精选数款，下次想试韭菜饼同林林总总嘅花茶~~ 见店主周不时问啲食客够唔够辣，口味如何，关心自己嘅品质，感觉到佢哋好用心经营；而到今日，友人似乎揾到辣味依归。