老北京 (已結業)

老北京，香港京菜嘅老字号系尖沙咀开咗新分店，邀约亲戚前去品尝。 分店依然系走古老、简约、雅致路线，一入门口果面墙有个好大嘅书架，上面摆满晒书，透出书卷味道。D条案、屏风、百宝阁，都系传统老北京人嘅家居布置。今次带左两樽红酒，叫咗三道凉菜，五道热菜，最后加多份葱油饼。老北京嘅凉菜做得好精致，红红绿绿系其中一款，用北京嘅心里美萝卜同莴笋丝相拌，红绿相间，爽脆清甜，齿间留住淡淡蔬菜甜香味；麻辣肚丝辣得鲜香，细嫩爽口。葱油海蜇入口又脆又弹牙，呢三道前菜用黎佐红酒真系一流。黎老北京食饭一定要order烤鸭，呢度嘅烤鸭好有水准。鸭皮颜色光亮，鸭香飘逸，由于地方够宽阔，waiter 直情推车系客人面前慢慢咁片鸭肉。鸭子味道同原店水准相若，皮酥肉嫩。干锅菜花系第一次吃，作为北京人的家常菜，白色嘅椰菜花有红辣椒干点缀，清淡中带点微辣。葱油饼都唔错，少油、入口咸香松软。其余几味热菜糟溜鱼片、宫保虾球、水煮牛肉，就做得中规中矩。服务质素有待提高，是次人均消费200。