泰華餐廳

营业中

休息中

Lunch hour时间宝贵，同同事出街食最紧要快靓正，茶记系不二之选。今时今日嘅沙田周围都系人，好多地方都难揾位，要行到嚟娱乐城呢边先唔洗等位有得坐。呢度不久时翻新过，比以前企理咗，茶记来讲算几好坐。午餐款式日日唔同，但5号餐永远都系原汁牛筋牛腩饭，招牌菜咁款。例汤可拣中或西，中汤几好，当暖下个胃。筋腩饭卖相一般，幸好个腩汁不太油，捞饭可以。牛腩肥瘦适中，算淋但唔太入味。呢度快餐医肚算系咁，系每星期会去食嘅地方之一。