好叉好味 (多寶樓) (已結業)

正常叉烧饭，用杯取代传统嘅饭盒，的确系方便啲食嘅，佢仲有唔同味道，用唔同颜色嘅杯装，方便嗌完外卖之后分返😂佢𠮶饭系叉烧切成粒状，一层饭一层叉烧，再一层饭一层叉烧，上面有只蛋加上秘制甜豉油。佢嘅谂法的确系好好，因为我系𠮶啲一定要有𩠌先食到饭嘅人😂 但系食落又未必似想像咁，食到咁上下，觉得无乜豉油，但食到最底有劲多豉油😂 佢啲叉烧粒系真系好食嘅👍🏻 加埋佢只🐷𠮶logo的确系吸引到人，但系如果要$60一个饭就真系有啲贵，我系经邻住买用$30买兑换券换嘅🙊 等咗20分钟先有得拎，午市时间会有啲乱！