尚青商號 (已結業)

一向都好钟意食台湾料理，尤其是依两三年唔可以随时话飞就飞，更加挂住台湾牛肉面，蛋饼等等。今日就嚟到荃湾试吓，环境装修都舒服，唔算好逼夹，亦都好光猛，干净卫生。我就叫咗一个半筋半肉既牛肉面，仲有一个鸭血，另外饮品就叫咗白桃乌龙。首先讲鸭血，唔知系咪因为我开门冇几耐就到，鸭血完全唔入味，而且仲冻冻地，望落去颜色好吸引，实质完全唔辣同埋唔麻。失望。牛肉面就唔错，汤底好浓郁，牛肉亦都好多，炆得都好淋，入口即溶。面条亦都挂汤，对得住价钱。三样嘢之中最值得赞就系白桃乌龙冷泡茶😝好饮过外面嘅手摇店，好清香，有茶味之余唔会太甜，大赞。整体来讲，不过不失，价钱都合理，都会有下次的。