南小館 (青衣城2) (已結業)

同朋友们放工，约咗系青衣城食晚餐。朋友话想食下上海野，上网睇下个食评。好似有啲伏。但系又见都唔少人食。都胆粗粗去试下。咁入到去都点咗几样嘢。我个人觉得最好食系个年糕好烟韧，食耐咗都仲软熟。小笼包都多汁。个手撕包菜，我就觉得酸咗啲啲。个四小拼嘅糖醋骨同烤麸入味好食😋老重庆担担面微辣唔食得辣嘅人都应该接受到。萝卜酥都够酥脆但系萝卜馅少咗啲，冇咩萝卜味。至于服务方面，啲店员嘅态度都唔错。我哋提出要热水，牙签都好快帮到手。试完之后，觉得呢一间食物同埋服务都系正常范围之内。