時代冰室 (公主大廈) (已結業)

慕名而来，初期都人头涌涌，要稍等先有得入座，不过好在店面阔落，容纳到好多人，所以都唔使排队等太耐～因为好近公司，而已餐牌上嘅选择都多，CATER 到唔同口味嘅朋友 XD所以有好几次都同同事一齐嚟食 LUNCH一坐低都未点餐，就有阿姐送上例汤。食过葱油猪扒饭、滑蛋牛肉饭、铁板饭...最后情归呢个花胶滑鸡汤配乌冬！呢个汤有好多鸡，真系食极都仲有，而且肉质唔会「鞋圾圾」（唔识打 LOL）亦唔会太淡味，另外有花胶、冬虫草、杞子、娃娃菜、萝卜、包心丸......再加埋乌冬，真系好够饱！不过萝卜太硬，亦唔入味，有啲可惜。顺便影埋朋友呢个黑椒汉堡扒蛋包饭，有胡麻酱沙律 ON SIDE，唔错㖞，个黑椒汁都几得，不够怕辣嘅朋友就未必食得到～其实食物质素都 OK，不过定价略贵，但都仲系吸引到我一去再去 XD收银嘅哥仔同阿姐忙住搞外卖单（好似）等畀钱都等咗一阵，而且态度麻麻，好似畀钱佢都系打扰佢哋咁，扣返少少分。