天然豚骨拉麵專門店一蘭

营业中

休息中

喺香港已经唔系第一次食一兰，不过就第一次喺尖沙咀呢间食，之前喺铜锣湾食嘅都系一个人咁坐，而尖沙咀呢间就系平时餐厅咁坐，感觉即刻唔同晒，同埋有少少嘈。我哋两个人星期六一点半左右去到，门口已经有牌写住要等半个钟，最后等咗25分钟就入到去。佢同铜锣湾嘅做法唔一样，呢度系喺自助售卖机度俾钱，然后再有一条长廊排队，我谂大概都要等二十几个人。一坐低就拣返自己想要嘅面质、浓度等口味，我自己就拣咗走葱同埋½辣。之前觉得食一兰冇乜特别，后来有个朋友提议加辣，真系好上瘾，所以我觉得要加少少落去食一兰嘅重点😋😋如果加面嘅话，系张纸填好咗之后，店员会比一个夹夹系枱面，食完原本𠮶碗之后就可以叫店员比面，我谂呢个做法可以阻止啲面浸到林晒。今时今日黎讲，我谂一兰都唔算系拉面既唯一选择，叫做正常发挥，如果唔使排队都可以得闲去食下。