越興園越南菜館 (已搬遷) 新店位置

呢一间系同男朋友系旺角行行下揾到既，大家都唔知食咩好，咁岩见到有岩食既就入左去🤣。我地坐楼上，啲装修睇落都有啲历史，虽然旧旧地但未至于污糟。我地嗌左个二人set食，二百几三百零蚊都算系咁🤔。💛菠萝梳打｜可乐每人有杯野饮，我嗌既菠萝梳打系雪碧加罐头水果，稳稳阵阵。因为我试过系其他餐厅食越南野，嗌个杯特饮系药水味，宁愿佢比普通梳打水我好过。呢杯梳打仲要有奇亚籽，几特别🤣👍🏻。💛炒饭佢实际个名叫咩炒饭已经唔记得😂😂😂，但就咩材料都有啲，味道不过不失。💛马拉盏通菜呢个最满意，炒得好香！💛海南鸡要加钱先有半只，本身好似系四份一只，啲鸡ok滑。💛蒜蓉青口｜炒牛肉｜香茅鸡翼虽然主食得一个，但小食就有好多，份量都好多，够两个人食到好饱🤣。