家常麵

营业中

休息中

大约晏昼2点左右到，因为系平日嘅下午，人唔算多，入座率未到一半。叫咗8只蒸饺、1客醉鸡、1个排骨担担面、1个雪梨猪肺汤。职员算热心，一听到蒸饺就话拿拿声蒸咗先唔好要我哋等。蒸饺算大只足料，入面系包咗啲炸蒜，名味但冇咩特别。醉鸡都唔少，有肉够滑，少少酒味偏甜。排骨炸得酥嫩有汁；担担面汤底少少稀，面中间偏软，普通。个汤就清清哋饮唔出咩味，比茶餐厅例汤淡少少咁。另外食咗佢铺头自家制辣酱，其实系唔辣唔咸嘅李锦记豆瓣酱咁上下，其实冇咩特别，偏多蒜嘅。2个人食都算几饱，但食完一阵觉得口干眼瞓，应该都有少味精。