金功夫點心

营业中

休息中

今次我哋響尖東站行出嚟，因為時間尚早，所以可以坐低食嘢，跟住行兩步就見到金功夫，就走入去飲個茶試吓，可能因為時間關係人好少，感覺舒服，尖東地鐵站行出嚟兩步就見到，好方便。分別叫咗蟹籽鮮蝦球燒賣王、南瓜蒜蓉蒸排骨、鮮肉雞湯小籠包、遠年陳皮牛肉球、馬來沙嗲蒸鳳爪、同埋鳳凰厚切叉燒腸。燒賣王都幾足料，可能因為咁先要逐件計，兩件起。南瓜蒜蓉蒸排骨，排骨嘅肉都比較多。鮮肉雞湯小籠包應該係最出事嗰個，裏面冇乜嘢湯，個小籠包嘅皮好似浸水太耐皺晒咁，因為裏面冇湯所以味道都爭啲。遠年陳皮牛肉球，陳皮嘅味道唔算好重，食落都好彈口。馬來沙嗲蒸鳳爪，其實同平時酒樓食嘅鳳爪冇乜分別。鳳凰厚切叉燒腸最大嘅特色，應該係裏面有啲雞蛋響度，加埋一齊食落去嘅味道都吊味。