金功夫點心

营业中

休息中

今次我哋响尖东站行出嚟，因为时间尚早，所以可以坐低食嘢，跟住行两步就见到金功夫，就走入去饮个茶试吓，可能因为时间关系人好少，感觉舒服，尖东地铁站行出嚟两步就见到，好方便。分别叫咗蟹籽鲜虾球烧卖王、南瓜蒜蓉蒸排骨、鲜肉鸡汤小笼包、远年陈皮牛肉球、马来沙嗲蒸凤爪、同埋凤凰厚切叉烧肠。烧卖王都几足料，可能因为咁先要逐件计，两件起。南瓜蒜蓉蒸排骨，排骨嘅肉都比较多。鲜肉鸡汤小笼包应该系最出事𠮶个，里面冇乜嘢汤，个小笼包嘅皮好似浸水太耐皱晒咁，因为里面冇汤所以味道都争啲。远年陈皮牛肉球，陈皮嘅味道唔算好重，食落都好弹口。马来沙嗲蒸凤爪，其实同平时酒楼食嘅凤爪冇乜分别。凤凰厚切叉烧肠最大嘅特色，应该系里面有啲鸡蛋响度，加埋一齐食落去嘅味道都吊味。