囍運冰室 (通菜街)

营业中

休息中

／／除了会痛一切都美好 除了挫折面前仍有路 除了厌世总有某些 修补可以做残破世界令人学成 悲观中找鼓舞 来纾减身边恐怖 能照料你日子都不算糟／／今日又系同M先生住酒店嘅日子，由于谂唔到食乜而且已经差唔多11点，所以基本上都冇咩嘢食，唯有又叫foodpanda，而且仲有PandaBox嘅优惠，所以就叫咗呢间茶餐厅。茶餐厅我通常都会食红茶冰室，但呢间都有啲惊喜公司三文治：呢个系我叫既咁多样嘢之中最一般嘅，配料非常之少，而且冇叉烧等等配料，所以整体而言呢个公司三文治嘅层次唔够丰富，但酱汁就正正常常所以都可以挽救到公司三文治嘅质素。蛋挞：系酥皮蛋挞而且有蛋香，而且价钱合理。干炒牛河：大推！咁嘅价钱牛肉一定唔系十分高质，但系牛肉份量十分之多，所以大大分10分抵食，而且豉油味香浓，值得推介！菠萝油：亦是值得推介的一类食品，面包十分新鲜，而重点是菠萝油上的牛油，份量极多所以吃起来口感十分丰富。