龍鳳祥餃子館 (裝修中)

今晚决定食龙凤祥饺子，再食隔离澳牛做甜品。去到既时候只有2枱食客，无需等位。环境都几干净，虽然所有餐具已经预早摆放于枱面 (好似酒楼咁)。2个人叫左一碗牛犇面($50)，10只净鲜三饺($47)，一杯豆浆($6)。牛犇面($50)似一般台湾牛肉面，面质偏幼身，都算多牛腩，大约有10小件牛腩，牛腩炆得好“谂”，汤底鲜甜，仲有好强烈既芫茜味。”友人”话系唔错，不过佢话下次只会叫饺子面再加配牛犇汤。不过对于嗜辣既我就无乜冲击，只会形容系一碗平淡既牛腩面。10只肉三鲜($47)本身想叫普通既白菜猪肉饺，但谂住专程来尼间食，就叫特别少少既肉三鲜饺子，馅料有猪肉，韭菜同虾仁。饺子皮薄馅多。枱上有3款酱汁(豉油，豆瓣酱，醋)提供，可以自行调配。豉油的确系好咸，不过同水煮既饺唔太夹，配豆瓣酱就惹味d。可能煎饺香口d，沾酱食会好味好多? 但系煎饺要加$8都几贵，感觉唔值(虽然煎饺一定好味好多)。每只饺子大概有7成韭菜，2成猪肉，同埋一只细虾，非常强烈既韭菜味。不过有少少失望，无谂过名叫鲜三饺，但有咁多韭菜，似食紧韭菜饺。对我而言，应该无下次。