影片
更多
2021-02-27
777 浏览
刚过完年有冇餐餐大鱼大肉食到腻哂？系咁就要嚟食返下素菜清下肠胃喇！银杏馆出名主要支持长者就业，而呢间耆素就系佢嘅分支，故名思义就系一间素菜馆。为免去错地方，于是上网一搜，原来佢哋曾经因有员工批评过「后生仔出嚟搞事」，以及请蓝艺人黎瑞恩派过福饭，而被连登仔认定为【蓝到出汁】，仲发起杯葛！咁我就觉得系【正常过正常】喇！好，咁我今日就叫咗韩式蒜香石锅饭，附送例汤 (今日系虫草花百合无花果蜜枣汤)。石锅饭材料好丰富，中间系香菇素肉酱，围住嘅系菠菜、翠肉瓜、大豆芽同素食泡菜。食韩式石锅饭单独试食配菜冇意思，一定要捞匀食。先食一啖原味，素肉酱嘅菇味同蒜香味突出，菠菜同大豆芽爽口，翠肉瓜偏腍令口感丰富啲，泡菜 ok 因为系素的所以冇普通泡菜咁浓味，但都爽口。第二啖开始点埋旁边嘅韩国辣酱，好香，少少辣，再捞埋锅底嘅饭焦一齐食，好正！如果系要畀意见，我希望可以加啲甘笋丝同粟米粒，加啲甜味，咁整体味道就会更加平衡，色彩又可以再丰富啲。食到个口辣辣地，最啱就饮返碗汤。今日款例汤又有无花果又有蜜枣，饮落好甜好滋润，感觉好养生，正可以为今餐饭画上完美嘅句号。btw，建议辣酱可以唔使下下畀咁多，宁愿畀人无限加添，
银杏馆出名主要支持长者就业，而呢间耆素就系佢嘅分支，故名思义就系一间素菜馆。为免去错地方，于是上网一搜，原来佢哋曾经因有员工批评过「后生仔出嚟搞事」，以及请蓝艺人黎瑞恩派过福饭，而被连登仔认定为【蓝到出汁】，仲发起杯葛！咁我就觉得系【正常过正常】喇！
好，咁我今日就叫咗韩式蒜香石锅饭，附送例汤 (今日系虫草花百合无花果蜜枣汤)。
石锅饭材料好丰富，中间系香菇素肉酱，围住嘅系菠菜、翠肉瓜、大豆芽同素食泡菜。食韩式石锅饭单独试食配菜冇意思，一定要捞匀食。先食一啖原味，素肉酱嘅菇味同蒜香味突出，菠菜同大豆芽爽口，翠肉瓜偏腍令口感丰富啲，泡菜 ok 因为系素的所以冇普通泡菜咁浓味，但都爽口。第二啖开始点埋旁边嘅韩国辣酱，好香，少少辣，再捞埋锅底嘅饭焦一齐食，好正！如果系要畀意见，我希望可以加啲甘笋丝同粟米粒，加啲甜味，咁整体味道就会更加平衡，色彩又可以再丰富啲。
食到个口辣辣地，最啱就饮返碗汤。今日款例汤又有无花果又有蜜枣，饮落好甜好滋润，感觉好养生，正可以为今餐饭画上完美嘅句号。
btw，建议辣酱可以唔使下下畀咁多，宁愿畀人无限加添，以免食唔哂造成浪费。
27 浏览
0 赞好
0 留言
张贴
