LE-TA-SU 一人一鍋

营业中

休息中

沙田新城市最近新开咗一间源自日本东京、主打一人一锅嘅火锅店，抱住期待专程去试。不过整体体验只属一般。试咗寿喜烧肩胛肉套餐，250g 份量算多，肉质正常偏薄，食量大嘅可以挑战350g。追加咗九州产和牛肩胛 50g，但结果只系得两片肉，而且望落同本身寿喜烧肩胛肉套餐既美国特选安格斯牛肩胛肉差唔多，质素令人失望，和牛嘅油香几乎感受唔到，唔建议选购。店内有五款汤底选择，但如果其他套餐想要招牌寿喜烧汤底，需额外加收 $9。可惜寿喜烧汤底味道偏淡，渌牛肉时完全唔能突出肉味，去到汤剩得好少时，寿喜烧嘅味道先稍为浓啲，但已经太迟，整体体验大打折扣。套餐附送一盆本地农场蔬菜，质素属正常范围，冇太多惊喜。以呢个价钱嚟讲，整体餐点份量足够，食物质素可以。