古早味台灣原味 (已結業)

琴日同朋友去左铜锣湾，试左呢间古早味，一入到去觉得装修几古色古香，空气有唔同嘅食物香味，几正。因为个fd迟到，所以叫左个蒜味盐酥鸡食住先，另外叫左杯苏打水（最近戒糖，无试到佢杯珍奶），个鸡个人觉得几好食，几脆，不过就同原味无乜分别，食唔岀蒜容味。个fd黎到之后我地重叫左炸豆腐，个嫩口，个皮调味都够。白肉就差少少，比较甜，唔似香港人食开谭仔个种白肉d味道。最令人满意系个台湾牛肉面，有药膳味道，而且牛肉大旧得黎唔会韧，萝卜都淋。特别嘅系佢用刀削面底，口感唔错！至于个粉丝褒，可能食得太饱啦，头几啖好惹味，之后食得太滞，两个人就真系唔太食得晒，有少少可惜。埋单两个人都系300几蚊，以老铜嘅价位，叫左咁多野食，真系算几平！下次想黎试个荷叶饭。