影片
更多
2019-09-21
556 浏览
妹记大排档 #尖沙咀 #旺角 呢只战斗碗简直系妹记大排档嘅招牌！黎得记大排档又点可以唔用呢一个战斗碗装啤酒饮呢！呢度卖嘅主要都系一啲小菜，最啱三五知己聚旧食，又或者同埋屋企人亲戚一齐食，咁就可以食到更加多唔同嘅𩠌菜，人均消费大约$150左右啦。沙拉骨沙拉骨真系邪恶得来好好味！用咗腩排部位加埋沙律酱一齐食好惹味！不过有少少略嫌佢啲猪肉有啲难咬，食得有啲吃力，如果啲猪肉可以再淋啲就好。金沙虾球份量好少，得个五六粒，不过咸蛋黄味的确好重，而且啲虾俾咸蛋黄包住炒到脆脆地咁，都唔错。煎蚝饼 都煎得几香脆，蚝仔嘅份量都算多而且几大只，但系略嫌佢啲炸粉有啲多，如果多少少蛋可能会好啲。黑椒薯仔炒牛柳粒牛柳粒都几淋，而且薯仔都系有煎香过再炒，所以都几香，亦做到外面微脆内软嘅效果，黑椒味都好重，不过就有啲太咸。蚝仔粥终于算系清淡少少嘅一味，建议如果唔想就咁食白饭咁寡嘅话就可以嗌一碗蚝仔粥配埋啲𩠌菜一齐食。可以拣一大兜又或者每人一碗，一大兜嘅份量其实都几多，可以分到七八碗左右。蚝仔粥最主要就系有米饭同埋蚝仔，但系千祈唔好以为系好似我哋平时食开皮蛋瘦肉粥𠮶种，相反佢每粒饭都仲系好分明，有啲似汤饭咁样，不过呢个
呢只战斗碗简直系妹记大排档嘅招牌！黎得记大排档又点可以唔用呢一个战斗碗装啤酒饮呢！
呢度卖嘅主要都系一啲小菜，最啱三五知己聚旧食，又或者同埋屋企人亲戚一齐食，咁就可以食到更加多唔同嘅𩠌菜，人均消费大约$150左右啦。
沙拉骨
沙拉骨真系邪恶得来好好味！用咗腩排部位加埋沙律酱一齐食好惹味！不过有少少略嫌佢啲猪肉有啲难咬，食得有啲吃力，如果啲猪肉可以再淋啲就好。
金沙虾球
份量好少，得个五六粒，不过咸蛋黄味的确好重，而且啲虾俾咸蛋黄包住炒到脆脆地咁，都唔错。
煎蚝饼
都煎得几香脆，蚝仔嘅份量都算多而且几大只，但系略嫌佢啲炸粉有啲多，如果多少少蛋可能会好啲。
黑椒薯仔炒牛柳粒
牛柳粒都几淋，而且薯仔都系有煎香过再炒，所以都几香，亦做到外面微脆内软嘅效果，黑椒味都好重，不过就有啲太咸。
蚝仔粥
终于算系清淡少少嘅一味，建议如果唔想就咁食白饭咁寡嘅话就可以嗌一碗蚝仔粥配埋啲𩠌菜一齐食。可以拣一大兜又或者每人一碗，一大兜嘅份量其实都几多，可以分到七八碗左右。
蚝仔粥最主要就系有米饭同埋蚝仔，但系千祈唔好以为系好似我哋平时食开皮蛋瘦肉粥𠮶种，相反佢每粒饭都仲系好分明，有啲似汤饭咁样，不过呢个亦都系蚝仔粥嘅特色。
整体来讲，味道都算不过不失，但系基本上每一碟都系偏咸，可能特登整到啱送酒。不过讲真大排档啲小菜大部份都差唔多，唔算太有惊喜，但系又唔难食，最特别都系佢只碗姐😂所以喺呢度食饭讲嘢都几大声，因为四周啲人都系醉醉地。
味道: 3.5/5
性价比: 3.3/5
张贴
