影片
更多
2022-11-12
80 浏览
#陈仪兴牛什粉面之前有唔少网友都话依间系旺角既牛杂粉面店质素几好，所以今日特登过海试吓。中午十二点前到，仲有好多位，但冇几耐已经接近满座。店唔算好大，装修唔错。惯例叫牛杂面多葱，$40，系食过最贵一间。份量正常唔算大碗，餐牌上写到明牛杂有乜野冇花假。整体牛杂都几唔错，金钱肚比较淋身，牛膀牛肺都系正常水准。牛肠都带肥，唯一系食落有少少苦味，可能处理得未太好。面质都系正常，汤底够浓够味唔会过咸，有少少口干但冇叫野饮，加埋要$50就唔太值。感觉讲得最多两个字就系正常，因为真系正常冇特别。可能之前食得太多牛杂面，而家食落觉得间间差唔多，单计食物$40系有点贵，当然地区租金系唔同。我觉得行过旺角想食吓冇所谓，但就唔需要特登去试。陈仪兴牛什粉面 (鸿祥大厦)旺角烟厂街1-3号鸿祥大厦地下E号舖@foodiehck2022 #港饮港食平靓正 #旺角 #牛杂面 #午餐
之前有唔少网友都话依间系旺角既牛杂粉面店质素几好，所以今日特登过海试吓。
中午十二点前到，仲有好多位，但冇几耐已经接近满座。店唔算好大，装修唔错。
惯例叫牛杂面多葱，$40，系食过最贵一间。
份量正常唔算大碗，餐牌上写到明牛杂有乜野冇花假。整体牛杂都几唔错，金钱肚比较淋身，牛膀牛肺都系正常水准。牛肠都带肥，唯一系食落有少少苦味，可能处理得未太好。
面质都系正常，汤底够浓够味唔会过咸，有少少口干但冇叫野饮，加埋要$50就唔太值。
感觉讲得最多两个字就系正常，因为真系正常冇特别。可能之前食得太多牛杂面，而家食落觉得间间差唔多，单计食物$40系有点贵，当然地区租金系唔同。
我觉得行过旺角想食吓冇所谓，但就唔需要特登去试。
陈仪兴牛什粉面 (鸿祥大厦)
旺角烟厂街1-3号鸿祥大厦地下E号舖
@foodiehck2022 #港饮港食平靓正 #旺角 #牛杂面 #午餐
牛杂面
$40
9 浏览
0 赞好
0 留言
张贴
