越北牛肉粉專門店

营业中

休息中

早几晚去了红磡，谂唔到食咩好，行过门口见到佢啲餐牌都ok，于是就入去试吓。餐厅装修同一般普通餐厅一样，无咩特别。点了一个生牛肉汤河配炸春卷、香茅鸡扒汤河配海哲沙律、两杯三色咸柠七。先讲个生牛肉汤河，啲牛肉普通，无咩特别，不过牛肉较为少咗啲，多返少少会满足啲。河粉食落去同一般无咩分别，个汤就咸咗少少(不过唔知越南菜系唔系咁)。另外个香茅鸡扒汤河，啲鸡扒都热辣辣同块皮都几脆口，应该系即煎(唔似预早煎好翻热)，不过唔系好食到香茅味。到两款小食，先系炸春卷，食落都系热同脆口，都唔系预早炸定，同埋入面啲料都几足。至于个海哲沙律，第一次咁样食海哲，同平时一般食开嘅有啲唔同，硬身啲，咬落口有啲似牛筋，同埋酸酸哋，都几开胃。至于两杯三色咸柠七，略微唔够酸同咸(已经有督到柠檬同埋咸柠)，饮落去好似同七喜分别唔太大。整体嚟讲唔算太突出，不过讲句公道话，佢又唔系贵，以呢个价钱嚟讲系可以接受。