漁場台風

营业中

休息中

好耐冇食过沾面，呢一间系第一次食，虽然佢开咗好多年。一睇手写纸见到得三款可以拣，我就拣咗最原始𠮶只先，即系原味。沾面嚟到！一开始见到冇叉烧嘅，再了下碗沾面汤，发现原来啲叉烧系切粒咁放咗喺碗汤入边。第一啖食落去，个汤好够热，所以都几满意。我唔知道其实个汤系应该偏杰，定系正常就得，如果我要形容佢系正常果一种，比我想像中嘅稀。个面好大，食哂之后好饱，啲面系偏粗。我朋友叫左黑芝麻汤，真系成碗黑色同埋好多芝麻喺面。我觉得可以隔一排先再嚟都得。