影片
更多
2020-01-24
1911 浏览
圆山台湾料理 #尖沙咀位于尖沙咀，餐厅装修怀旧，屹立多年。虽然个名有台湾两个字，但系装修架构都好似港式酒楼，都系有分唔同点心、小菜，不过就再加埋啲台湾菜式。当日同屋企人一齐食午饭，嗌咗个二人商务午市套餐$288，分别可以嗌:🥟两款点心❣️水晶鲜虾饺：正正常常，皮薄、内饀都有成两三只虾仁。❣️椰汁枣蓉糕：同样不过不失，烟烟韧韧，带淡淡的红枣味，都系平时酒楼货色。🧆两款小菜，小菜方面就出色啲，分量够晒大！❣️三杯鸡🐓：原煲送上，鸡肉够多，用上各种香料，都几入味。唯独系佢嘅鸡肉比较鞋。❣️蛋黄肉🍳：呢个真系好特别，从来都未见过，味道其实有啲似肉饼，不过就整成圆柱体咁，半肥胖瘦肉，配上甜甜嘅酱汁，都几好味，不过就有少少肥腻。🍲两碗老火例汤❣️西洋菜排骨，例汤来讲都算几好饮，熬到出晒味，啲排骨一丝丝肉可以咬开，绝对唔会因为煲咗咁耐而变到鞋飒飒。🍚肉燥饭❣️肉燥饭都几地道，细细碗饭再配上一大堆半肥瘦嘅卤猪肉，绝对唔系𠮶啲港式加啲肉碎就扮系肉燥饭。不过就略嫌卤肉嘅份量唔够多送晒成碗饭。🍜担仔面❣️曾经喺度小月𠮶度食担仔面，虽然出名，但系𠮶一次真系大失所望，唔特别又冇乜味。但今次喺呢一间食嘅担仔面反而几浓郁，面条索
位于尖沙咀，餐厅装修怀旧，屹立多年。虽然个名有台湾两个字，但系装修架构都好似港式酒楼，都系有分唔同点心、小菜，不过就再加埋啲台湾菜式。
当日同屋企人一齐食午饭，嗌咗个二人商务午市套餐$288，分别可以嗌:
🥟两款点心
❣️水晶鲜虾饺：正正常常，皮薄、内饀都有成两三只虾仁。
❣️椰汁枣蓉糕：同样不过不失，烟烟韧韧，带淡淡的红枣味，都系平时酒楼货色。
🧆两款小菜，小菜方面就出色啲，分量够晒大！
❣️三杯鸡🐓：原煲送上，鸡肉够多，用上各种香料，都几入味。唯独系佢嘅鸡肉比较鞋。
❣️蛋黄肉🍳：呢个真系好特别，从来都未见过，味道其实有啲似肉饼，不过就整成圆柱体咁，半肥胖瘦肉，配上甜甜嘅酱汁，都几好味，不过就有少少肥腻。
🍲两碗老火例汤
❣️西洋菜排骨，例汤来讲都算几好饮，熬到出晒味，啲排骨一丝丝肉可以咬开，绝对唔会因为煲咗咁耐而变到鞋飒飒。
🍚肉燥饭
❣️肉燥饭都几地道，细细碗饭再配上一大堆半肥瘦嘅卤猪肉，绝对唔系𠮶啲港式加啲肉碎就扮系肉燥饭。不过就略嫌卤肉嘅份量唔够多送晒成碗饭。
🍜担仔面
❣️曾经喺度小月𠮶度食担仔面，虽然出名，但系𠮶一次真系大失所望，唔特别又冇乜味。但今次喺呢一间食嘅担仔面反而几浓郁，面条索晒肉汁嘅味，有惊喜！
🍬红豆沙
❣️最后仲有碗红豆沙作总结，同陈皮一齐熬，啲红豆煮到沙沙地，传统中式红豆沙嘅味道。
另外仲嗌多左个❣️🍠秘制糖番薯$50❣️🐟鲜菇鱼肚扎$38。
之前去台湾食过当地嘅糖番薯真系觉得好好味，除咗甜之外仲会多咗烟韧嘅口感。虽然呢一个未做到台湾嘅口感，但系甜甜地都几好。
至于鲜菇鱼肚扎就正常啦，用腐皮包住鱼肚同埋鲜菇，虽然鱼肚都几软绵绵，但比起一般嘅鸡扎少啲料，口感味道冇咁丰富。
整体来讲味道普通，但系都算几抵食，每一样份量都几多，一家人嘅话都可以考虑呢一间食饭，比起平时一般嘅酒楼多少少花款。
味道: 3.6/5
性价比: 3.8/5
张贴
