甜品老媽 (已結業)

呢一日食完安利鱼蛋后，就谂住无可能净系食一碗鱼蛋粉就返屋企咁蚀章架嘛，而且东大街又成条街都系美食 ...结果就当然上OPENRICE睇下有咩出名嘅食店啦。后尾就畀我发现到呢间甜品舖嘞。　　大家食开安利都知道19:00就会闩门，咁我食完安利大约6点几嘅时段系未有人食甜品嘅时段，所以入到去系得一两枱客。去到谂咗无耐就决定叫心太软。个心太软一嚟到，我觉得个摆设真系几有心思。平时去亲其他甜品店食心太软多数都系得一旧雪糕同一旧心太软，而呢间舖加埋呢条糖丝（系咪应该咁叫？）就真系画龙点睛咗，而且仲食得落肚添 。呢个心太软未用叉切到底已经标晒啲朱古力出嚟，一食落去真系有种浓浓嘅朱古力味而我亦觉得佢用嘅朱古力纯度大约系５０％左右，虽然系较甜但亦都仲尝到少少涩味，最紧要系迎合到一家大细口味嘛而且佢暖暖嘅朱古力酱配上冰冻嘅云呢拿雪糕球，个口感完全可以用「冰火交替」嚟形容！ 　　食完呢餐甜品，先至为我今次嘅「筲箕湾寻食之旅」画上完满嘅句号 。