Sky726

餐厅位于旺角弥敦道既大厦，近旺中既位置，交通劲方便，而且个栋大厦全栋都系餐厅，黎开呢头都有劲多唔同选择。今次食呢间西餐厅食物方面有好多款前菜，扒类，意粉等等，连饮品都有多款唔同既cocktail/mocktail/普通饮品。set dinner既话更加系由汤到甜品都有齐哂！但系由于想试佢既鹅肝，所以我地选择左散叫。焦糖低温浸鹅肝鹅肝唔算大件，但两个人分就觉得刚刚好，唔会太腻。佢做到质感好细滑幼嫩，入口即溶，外面仲有层好香既焦糖，口感同味道都做得好好。香煎美国顶级安格斯肉眼扒煎得好靓，牛扒都好大块，厚薄均匀，切落去有肉汁，而且肉味香浓。肉眼既好处就系肉质纤维唔算粗，有口感得黎唔会干柴。另外火候控制都算唔错。配菜既芦笋份量好多，而且幼嫩无渣。薯蓉做得劲细滑，奶味香浓，捞埋肉汁一齐食又有另一番风味～香煎露丝玛莉羊架可选6支骨或4支骨。羊肉唔膻，对我黎讲系小失望，但对大部份人黎讲应该系好事🤔肉质结实有咬口，有弹性，个人认为略嫌熟左少少，但整体黎讲系好食既！Godiva Delight用左Baileys, Godiva dark chocolate liqueur同Cointreau调出黎。入面